کتنے سفّاک مِرے دل کے یہ مہماں نکلے

  

 
کتنے سفّاک مِرے دل کے یہ مہماں نکلے 

خُون پی کر ہی تِرے تیر کے پیکاں، نکلے 

عشق میں جینے کا ممکن نہیں امکاں نکلے 
دل دیا اُس کو، کہ دیکھے سے جسے جاں نکلے 

سر  پہ الزام  لیا ،  اشک بد اماں نکلے 
خُلد سے تھام کے دل حضرتِ انساں نکلے 

مجھ کو خود اپنی تباہی پہ بڑا رشک آیا 
وہ مِرے حال پہ اِس درجہ پشیماں نکلے 

اُن سے ملنے کا کسی روز نہ ارماں نکلا 
عُمر گزری اِسی ارماں میں ، کہ ارماں نکلے 

دل اُداس،  آپ حفا،  اور مقّدر نا خوش 
کون ایسے میں پۓ  سیرِ گلستاں نکلے 

آپ سے لُطف وکرم کی بڑی اُمّیدیں تھیں
آپ بھی میرے لئیے فِتنہ دوراں نکلے 

بے خودی دل کی مجھے لے کے جہاں پہنچی ہے 
کاش !  منزل  وہ  مِری  کوچہ  جاناں  نکلے

بے خُودی میں نہ ہُوئی ہم کو نصیر اپنی خبر
ہوش  آیا  تو  ہمیں جلوہء  جاناں  نکلے
پیشکش
نصیروی سوشل میڈیا ونگ